Охирги таҳрир: 02.10.2026
HuquqiyAI рўйхатдан ўтишни талаб қилмайди ва маълумотларингизни имкон қадар кам йиғади. Қуйида қайси маълумот, қаерда ва қанча вақт туриши ёзилган.
Бу матн қоралама: юрист кўриб чиқмоқда. Мазмуни хизмат ҳозир қандай ишлашини аниқ акс эттиради.
Саволингиз ва суҳбат матни, юклаган ҳужжатингиз матни, овозли хабарингиз (матнга айлантириш учун), жавобга берган баҳойингиз ва изоҳингиз. Исм, телефон ёки email сўралмайди.
Паспорт серияси ва рақами, ЖШШИР, банк карта ва телефон рақамлари матндан AI моделига юборилишидан олдин автоматик яширилади. Сақланадиган барча матн ҳам шу яширилган кўринишда.
Суҳбат ҳолати (иш картаси ва охирги хабарлар) — 24 соат, сўнг ўзи ўчади. Юкланган файл сақланмайди: фақат яширилган матни 24 соат туради. Баҳо ва сиз кўрган жавоб — 30 кун, саволингиз матнисиз. Жавоб топилмаган саволлар яширилган ҳолда статистикада қолади (охирги 300 таси) — базага қайси қонун қўшиш кераклигини кўриш учун. Кўп бериладиган саволлар жавоби 6 соат кешланади.
Олдинги суҳбатларингиз фақат шу қурилмада, браузер хотирасида сақланади ва серверга юборилмайди. Браузер маълумотларини тозаласангиз, тарих ўчади.
IP манзилингиз сақланмайди ва ҳеч кимга юборилмайди. Кунлик лимитни ҳисоблаш учун ундан ҳар куни алмашадиган туз билан қайтариб бўлмайдиган хеш олинади. Вилоятни тахмин қилиш сервернинг ўзидаги базада бажарилади; аниқ жойлашув фақат сиз рухсат берсангиз ишлатилади.
Жавоб ёзиш учун яширилган савол ва тегишли қонун моддалари AI провайдерларидан бирига юборилади: Anthropic, Google (Gemini), Groq, OpenRouter, BazaarLink ёки OpenAI. Овозли хабар матнга айлантириш учун юборилади. Бот текшируви — Cloudflare Turnstile. Сервер ва маълумотлар омбори Ўзбекистондан ташқарида жойлашган (Render, Upstash).
Битта имзоланган cookie меҳмон сессиясини 24 соат давомида аниқлайди ва лимитни ҳисоблайди. Браузер хотирасида тил, ранг мавзуси, танланган вилоят ва суҳбатлар тарихи сақланади. Реклама ёки кузатув cookie'лари ишлатилмайди.
Суҳбат тарихини исталган пайт браузерда ўчиришингиз мумкин; сервердаги сессия 24 соатда ўзи ўчади. Шахсга доир маълумотлар «Шахсга доир маълумотлар тўғрисида»ги Қонун (ЎРҚ-547) асосида ишланади.